Në seancën e sotme plenare u miratuan emrat e anëtarëve të rinj nga radhët e avokatëve, që do të ulen në Këshillin e Lartë Gjyqësor dhe Këshillin e Lartë të Prokurorisë.
Shumica absolute nuk u arrit, por kandidatët e kësaj liste konsiderohen tashmë të zgjedhur.
Nga shorti u zgjodhën kandidatët Bledar Bajri dhe Albens Tabaku për Këshillin e Lartë Gjyqësor, si dhe Erind Mërkuri e Erind Gërmenji për Këshillin e Lartë të Prokurorisë.
Vlen të theksohet se të katër kandidatët vijnë nga një karrierë në profesionin e avokatit dhe si lektorë të jurispudencës.
