Presidenti i Ukrainës, Volodymyr Zelensky, ka biseduar me telefon me kryeministrin shqiptar, Edi Rama.
Zelensky tha në rrjetin social X se i ka treguar Ramës për sulmet e fundit të Rusisë me raketa dhe dronë. Ai tha se këto sulme tregojnë se Rusia nuk do t’i japë fund luftës dhe se nevojitet një presion i fortë për ta ndalur atë.
“E informova për sulmet e fundit ruse me raketa dhe dronë. Këto sulme tregojnë edhe një herë se Rusia nuk ka ndërmend t’i japë fund luftës. Kjo është arsyeja pse na duhet një presion mjaft i fortë për ta ndaluar më në fund. Ne mbështetemi në të gjitha hapat e nevojshëm në këtë drejtim që do të ndërmerren në të ardhmen e afërt. Gjithashtu diskutuam bashkëpunimin tonë me partnerët evropianë dhe unitetin tonë.
E ftova Kryeministrin të marrë pjesë në Samitin Ukrainë-Evropë Juglindore, dhe Shqipëria do të përfaqësohet. Faleminderit, Shqipëri, për mbështetjen e Ukrainës dhe popullit tonë”.
