Kryeministri Edi Rama ka reaguar për tragjedinë me 51 viktima të dhe 118 të plagosur në Maqedoninë e Veriut.
Në një postim në rrjetet sociale, kreu i qeverisë shqiptare shpreh ngushëllimet për këtë ngjarje të rëndë, si edhe gatishmërinë për ndihmë ndaj shtetit fqinj.
"Me një ndjenjë hidhërimi të veçantë u përcjell vëllezërve e motrave të Maqedonisë së Veriut ngushëllimet e mia për tragjedinë e madhe të Koçanit. Jam pa fjalë dhe lutem që të lënduarit të shërohen dhe që familjarët e viktimave të gjejnë forcën të përballojnë humbjen e tyre të pangushëllueshme. I përcjell po ashtu kryeministrit Mickovski dhe autoriteteve të vendit fqinj ngushëllimet në emër të Shqipërisë e shqiptarëve, duke shprehur gatishmërinë për çfarëdoqoftë ndihma jonë mund të jetë e nevojshme", shkruan Rama.
Tragjedia në Maqedoninë e Veriut ndodhi rreth orës 03:00 të mëngjesit të 16 marsit, në një klubin e natës “Koçani Pulse” në të cilin rreth 1500 të rinj, duke ndjekur një koncert të një grupi të famshëm vendas.
