Një banesë njëkatëshe është përfshirë nga flakët mëngjesin e sotëm në fshatin Rrile të Lezhës.
Nga informacionet paraprake, dyshohet se shkak i zjarrit është bërë një shkëndijë elektrike, megjithatë grupet hetimore të Policisë së Shtetit dhe specialistët e Shërbimit Zjarrfikës po punojnë për përcaktimin e plotë të shkaqeve.
Banesa ndodhetn në pronësi të shtetasit Ndrec Rrushaj. Si pasojë e flakëve u shkaktuan dëme të mëdha materiale, pasi zjarri shkrumboi të gjitha orenditë dhe pajisjet brenda saj.
Por fatmirësisht, anëtarët e familjes kanë arritur të dalin në kohë nga banesa dhe nuk ka persona të lënduar.
Ndërhyrja e shpejtë e forcave zjarrfikëse nuk mundi të parandalojë djegien e plotë të godinës, për shkak të përhapjes së shpejtë të flakëve.
Ndërkaq kanë nisur hetimet për zbardhjen e plotë të ngjarjes.
