Varrimi për kreun e grupit Wagner, Yevgeny Prigozhin, është zhvilluar ditën e sotme, në një ceremoni private në Shën Peterburg.
Presidenti rus Vladimir Putin nuk ka ka marrë pjesë në funeralin e liderit të grupit mercenar.
Kjo ishte paralajmëruar më herët nga Kremlini, që nënvizonte se nuk ishte në dijeni për organizimet e planifikuara të funeralit, duke thënë se kjo ishte një çështje familjare.
Oficerët e zbatimit të ligjit në Rusi janë parë më herët duke ruajtur një varrezë në Shën Petersburg.
Siguria ishte e rreptë rreth hyrjes së varrezave, por disa njerëz u fotografuan duke u përpjekur të hynin me tufa me lule.
