Kronikë

Prokuroria e Tiranës kërkon burg për 2 arkitektë, vihen nën sekuestro ndërtimet në ‘pyll’

Shkruar nga Liberale
Prokuroria e Tiranës kërkon burg për 2 arkitektë, vihen

Prokuroria e Tiranës kërkuar arrest në burg për arkitektët Armando Prelezi dhe Klevis Bregu, pasi morën leje ndërtimi me të dhëna të rreme nëpërmjet E-leje

Prokuroria e Tiranës ka lëshuar urdhër arrest për dy arkitektë, pas zbulimit të një skeme mashtrimi për të ndërtuar pa leje në Tiranë.

Sipas hetimeve të prokurorisë, arkitektët Armando Prelezi dhe Klevis Bregu kanë aplikuar për leje ndërtimi në seksionin “online” “E-leje”, por ndërtimet janë kryer në një tjetër vendndodhje.

Prokuroria thotë se duke verifikuar përmes “Google Maps”, ka arritur të vërtetojë se ndërtimi jo që nuk ishte realizuar në zonën për të cilën ishte dhënë leja, por u ndërtua në tokë pyjore që është në pronësi të Bashkisë së Tiranës. Pikërisht këtu del në skenë emri i biznesmenit elbasanas, Gani Moka, ky i fundit rezulton të ketë lidhur kontratë qiraje me Bashkinë e Tiranës për përdorimin e sipërfaqes nga fondi pyjor.

Gani Moka nuk është i panjohur për publikun. Në vitin 2021 ai është tentuar të shantazhohet dhe është mbajtur peng nga disa persona, të cilët i kërkuan 20 mijë euro. Moka ishte duke udhëtuar me një punonjësen e tij në afërsi të Peqinit, kur autorët e ndaluan dhe e kërcënuan duke tentuar ta fusin në grackë sikur kishte kryer marrëdhënie seksuale me punonjësen e tij, e më pas ta shantazhonin.

“Shtetasi G.M. administrator dhe ortak i vetëm isubjektit Certi Ë South Balkans, ka lidhur kontratë qiraje në datën 14.04.2021 me Agjencinë e Parqeve dhe rekreacionit për sipërfaqen 2000 m2, e cila është pjesë e fondit pyjor, ngastra 1/a, për të cilin janë përpiluar aktet pëkatëse, duke u konstatuar se disa prej strukturave me hekur dhe beton si dhe muri rrethues janë të pozicionuara në një sipërfaqe të fondit pyjor e cila ëshë dhënë në përdorim”, njofton prokuroria.

Sakaq, është vendosur sekuestro preventive për pronat e ndërtuara pa leje:

Pas verifikimeve, kërkohet vendosja e sekuestros preventive mbi objektet e ndërtuara nga;

M.T. me sipërfaqe 370 m2, të konstatuar sipas procesverbalit për konstatimin e kundravajtjes nr. 5271 datë 12.01.2023, të IMT dhe vetëdeklaruar me aplikim nr 62 datë 09.02.2023, pranë ASHK;

F.Z. me sipërfaqe 370 m2, të konstatuar sipas procesverbalit për konstatimin e kundravajtjes nr. 5272 datë 12.01.2023, të IMT dhe vetëdeklaruar me aplikim nr 63 datë 09.02.2023;

A.T. me sipërfaqe 370 m2, të konstatuar sipas procesverbalit për konstatimin e kundëvajtjes nr 5270 datë 12.01.2023, të IMT dhe vetëdeklaruar me aplikim nr 65 datë 11.02.2023, pranë ASHK;

A.H. me sipërfaqe 370 m2, të konstatuar sipas procesverbalit për konstatimin e kundravajtjes nr 5269 datë 12.01.2023, të IMT dhe vetëdeklaruar me aplikim nr 72 datë 15.02.2023, pranë ASHK;

D.D. me sipërfaqe 360 m2, të konstatuar sipas procesverbalit per konstatimin e kundravajtjes nr 2582 datë 30.01.2023, te IMT dhe vetedeklarimit nr 38 datë 01.02.2023, pranë ASHK;

T. V. vetëdeklaruar me aplikimin nr.5714 datë 31.03.2022, pranë ASHK-së; dhe

M. D., i cili nuk rezulton të ketë bërë aplikim për ndërtimin e paligjshëm, por ka pretenduar se ka ndërtuar objektin e konstatuar bazuar në lejen e ndërtimit nr Nr. K-10349/2.

Liberale Newsroom

Poll
SHQIPENGLISH