Në një kohë kur flitet për rritje pagash, madje dyfishim për deputetë dhe ministra, një e moshuar invalide thotë se i kanë hequr pensionin duke e lënë në mëshirë të fatit.
Fluturije Osmani prej 15 vitesh nuk është ngritur nga karroca. Ajo është invalide pune dhe jeton e vetme në Elbasan, pasi fëmijët i ka në emigrim.
62-vjecarja tregon për Report TV se 6 muaj më parë, Shërbimi Social Shtetëror i ka hequr pensionin e invalidetit me vlerë 35 mijë lekë në muaj.
“Ma kanë hequr padrejtësisht. E marrin pensionin të tjerë që nuk u takon. Unë jam invalide punë me kujdesje. Kam 15 vite që e merrja. Unë jam rrugëve. S’më bën njeri hysmet. Unë dua të drejtën time”- shprehet 62 vjeçarja.
