Përmbytje të mëdha janë shkaktuar nga reshjet e dendura të shiut që ndodhën të martën në Spanjën juglindore.

Për arsye paraprake, autoritetet urdhëruan që shkollat, universitetet dhe qendrat e kujdesit ditor të qëndrojnë të mbyllura.

Murcia, Valencia dhe Andalucia janë zonat ku janë shënuar problemet më të rënda nga moti i keq.

Në Kartagjenë, rrugët u kthyen në lumenj, makinat u zhytën në ujë me baltë, ndërsa ekipet po bëjnë përpjekje për të pompuar ujin nga bodrumet e shtëpive, siç dëshmohet nga pamjet e transmetuara nga televizioni spanjoll.

Në Valencia, disa zona kanë marrë më shumë reshje shiu në 24 orët e fundit sesa kanë rënë në total në gjashtë muajt e mëparshëm, thekson Shërbimi Meteorologjik Spanjoll (AEMET).

130 litra ujë për metër katror ranë brenda një periudhe 24-orëshe në qytetin e Odinientit, një rekord shiu për muajin maj për mbi 100 vjet.

Shirat e dendur erdhën pas një periudhe të gjatë thatësie. Tremujori i parë i vitit 2023 ishte më i thati që nga viti 1961 (kur të dhënat filluan të regjistroheshin), sipas shërbimit meteorologjik spanjoll.

Një valë temperaturash jashtëzakonisht të larta pasoi në fund të prillit, me merkurin që u ngjit në 38.8 gradë Celsius, që të kujton një valë të nxehti në zemër të verës.