Identifikohet personi që goditi me thikë një vajzë 24-vjeçare në stacionin Termini në Romë mbrëmjen e 31 dhjetorit . Bëhet fjalë për një djalë polak 25-vjeçar. I riu aktualisht është në kërkim për akuzën e vrasjes së mbetur në tentativë. Ai quhet Aleksander Mateusz Chomiak, i lindur në Grudziadz, një vizitor i rregullt i stacionit Termini. I riu kishte mbërritur në Itali rreth tetë muaj më parë.
Banues në Grudziadz dhe i zhdukur, ai nuk kishte pasur më asnjë kontakt me familjen e tij që nga tetori i kaluar.
Prindërit e tij e kërkojnë akoma. Ai u nis për në Itali tetë muaj më parë, nuk kishte strehim dhe nuk kishte gjetur punë. Sipas asaj që rezulton, i riu lëvizte shpesh në të gjithë Italinë, flinte në tren ose në rrugë, në shkallë ose brenda ndërtesave të braktisura.
