Presidenti Ilir Meta ka takuar Inis Neziri, këngëtaren e re shqiptare e cila triumfoi në Festivalin Ndërkombëtar Muzikor “New wave Festival 2019”.
Kreu i Shtetit shkruan në “Facebook” se është shumë e rëndësishme të mbështesim shembuj dhe modele pozitive të rinjsh si Inisi.
"Kënaqësi të takoja sot Inis Nezirin, këngëtaren tonë të talentuar, e cila meritoi çmimin e parë në Festivalin Ndërkombëtar Muzikor “New Wave Festival 2019”, me këngën “Piedestal”.
Është shumë e rëndësishme të mbështesim shembuj dhe modele pozitive të rinjsh si Inisi, që ngrenë lart emrin e Shqipërisë në skenat e huaja, duke u ofruar mundësi dhe kushte që të ardhmen e tyre ta shikojnë në këtu dhe jo duke u larguar jashtë vendit.
E falenderova Inisin dhe për kontributin e saj të spikatur si vullnetare aktive e “Kryqit të Kuq Shqiptar”, duke shërbyer me përkushtim e dashuri për shtresat në nevojë", shkruan Meta./Gazeta Liberale
