Vdiq në moshën 21-vjeçare Alessia Neboso, një javë pas operacionit që kishte zgjedhur t’i nënshtrohej për të rritur volumin e gjoksit. Ajo sipas mediave italiane kishte planifikuar të martohej së shpejti. Dukej se gjithçka kishte shkuar mirë, vajza ishte mirë dhe as kontrollet e para postoperative nuk kishin raportuar ndonjë problem.
Gjithçka ishte normale, pra, të paktën deri të hënën e kaluar kur Alessia filloi të ndihej e sëmurë: temperaturë e lartë dhe një ndjenjë lodhjeje, kollë, asteni dhe çrregullime gastrointestinale.
Një gjendje që po përkeqësohej çdo orë. Pas vendimit të familjes për ta çuar atë në urgjencë, vajza mbërriti me kodin e kuq. "Kolegët në detyrë e kuptuan menjëherë se situata ishte shumë e rëndë - shpjegon doktor Feliciano Ciccarelli - indekset e funksionit u ndryshuan të gjithë, veshkat nuk funksiononin më, qelizat e bardha të gjakut ishin në 17,000 dhe kishte filluar të merrte frymë me vështirësi”. Analiza e pamjes klinike nuk lë shumë dyshime, ka një infeksion të rëndë në zhvillim e sipër. “Ne i bëmë të gjitha analizat e mundshme për të kuptuar sa më shpejt se ku ndodhej sepse: ekografia dhe CT e barkut, më pas CT e gjoksit nga e kuptuam se problemi vinte prej andej, nga mushkëritë” specifikon mjeku. Alessia “stabilizohet” dhe dërgohet në repartin e terapisë intensive ku vdes pas disa orësh pavarësisht përpjekjeve të dëshpëruara të mjekëve për ta mbajtur në jetë.
E reja Alessia vdiq nga arresti kardiak, por është e qartë se në fund është gjithmonë zemra ajo që dëshpërohet kur organet dëmtohen në mënyrë të pariparueshme”.
Familja tashmë ka bërë denoncim, autopsia do të hedhë dritë mbi shkaqet e vdekjes. Prindërit dhe i dashuri kërkojnë qartësi: «Nëse ka përgjegjësi do të duhet të dalin. Nëse Alessia vdiq për shkak të mjekëve ne duam drejtësi. Ajo ishte shumë mirë, e bukur, e re dhe e shëndetshme. Ata duhet të na tregojnë se çfarë ndodhi në atë sallë operacioni”. Një hetim për vrasje nga pakujdesia u hap për këtë çështje i koordinuar nga grupi i udhëhequr nga zëvendësprokurorja Simona Di Monte. Ndërkohë në klinikën napolitane ka nisur një inspektim me urdhër të prokurorit, i cili ka urdhëruar pezullimin e operacioneve. /Liberale.al/
