Showbiz

Foto/ 106-vjeçarja, modelja më e vjetër që pozon në kopertinën e Vogue

Shkruar nga Liberale

Në Filipine Apo Whang-Od konsiderohet një figurë historike. Ajo është një “mambabatok”, një nga tatuazhistet e fundit në botë që ka praktikuar teknikën e lashtë Kalinga. Tani, në moshën 106-vjeçare, ajo është gjithashtu një ikonë bukurie: fytyra e saj zbukuron kopertinën e Vogue në prill dhe ajo është modelja më e vjetër që ka pozuar ndonjëherë për revistën ikonike të modës.

Personazhi - I përket popullit Butbut, me banim në Buscalan në provincën e Kalinga (që ndodhet në rajonin administrativ Cordillera, në ishullin Luzon, rreth 15 orë në veri të Manilës), njerëzit vijnë nga e gjithë bota për të bërë tatuazhe nga ajo dhe përballen me një udhëtim të mundimshëm nga Manila. Fituese e çmimeve të shumta në atdheun e saj, ajo tani i shton përvojës së saj të gjatë - e cila filloi në moshën 15-vjeçare falë babait të saj, i cili ia përcolli artin e tatuazhit Kalinga, duke e bërë atë gruan e parë që e praktikoi atë - edhe këtë kopertinë historike e edicionit të revistës në Filipine.

Zgjedhja e Vogue - Kryeredaktorja e Vogue në Filipine, Bea Valdes tha se stafi u pajtua njëzëri për fytyrën e Whang-Od në kopertinë. "Ne ndjemë se përfaqësonte idealet tona - shkruan CNN - gjithçka është e bukur në kulturën tonë filipinase". Vitet e fundit, Vogue është hapur ndaj moshës, duke sjellë gjithnjë e më shumë gra të moshës gjithnjë e më të avancuar në faqet e saj. Dhe zgjedhja e Valdes lidh pikërisht këtë linjë editoriale: "Ne besojmë se koncepti i së bukurës duhet të evoluojë dhe të përfshijë fytyra dhe forma të ndryshme. Shpresojmë të arrijmë të flasim për bukurinë e njerëzimit", shtoi ai. Para paraqitjes së Whang-Od në Vogue të Filipineve, rekordi për modelen më të vjetër të kopertinës së Vogue mbahej nga aktorja Judi Dench, e cila u shfaq në kopertinën e British Vogue në vitin 2020, në moshën 85-vjeçare./Liberale.al

Liberale Newsroom

Poll
SHQIPENGLISH