Aktualitet

"Është e vështirë të shkruash, heq dorë", gazetarja jep dorëheqjen pasi akuzoi ashpër Erdogan për tërmetin

Shkruar nga Liberale
"Është e vështirë të shkruash, heq
Në një kohë kur të vdekurit nga tërmeti në Turqi dhe Siri kanë kaluar shifrën 24 mijë dhe ekipet e shpëtimit po bëjnë përpjekje mbinjerëzore për të gjetur të mbijetuarit, zërat që flasin për përgjegjësinë penale të kontraktorëve për ndërtimin e ndërtesave që u shembën si "letër” po shtohen. Në fakt, nuk janë të paktë qytetarët që i kanë bërë apel drejtësisë për rrëzimin e të paktën 65 mijë godinave. Përveç kësaj, shumë gazetarë “bërtasin” dhe sulmojnë hapur si Rexhep Tajip Erdogan, ashtu edhe kontraktorët që ndërtuan ndërtesat specifike. Shembulli më i fundit është prezantuesja e njohur e kanalit proqeveritar “Show Tv”, e cila pasi ka shpërthyer ofendime ndaj të gjithë përgjegjësve, më pas ka dhënë dorëheqjen. Dilara Goder, dukshëm e inatosur për lejet e dhëna për ndërtimin e pallateve, shpërtheu teksa ishte e ftuar dhe filloi të thoshte se fatkeqësia nuk ishte faji i fatit dhe i tërmetit, por atyre që ndërtuan ndërtesat, atyre që dhanë lejet, ato dhe të miratuara edhe nga kompanitë e ndërtimit. https://youtu.be/iVEdKI1k2EE Shpërthimi i Gondarit erdhi teksa i ftuari gjeologo-inxhinieri Zigedin Cakir tha se do të ishte mirë të dinim disa gjëra për tërmetin që la mijëra të vdekur, të plagosur dhe të bllokuar. Më pas prezantuesi filloi t'i bërtiste dhe ta pyeste nëse tërmeti i vitit 1999 - i cili la pas edhe mijëra të vdekur - nuk ishte një mësim për Turqinë. “Shikoni si u varrosën njerëzit. Kush e ka fajin për këtë, fati, natyra? E them sërish, përgjegjës janë inxhinierët, firma e ndërtimit dhe ai që ka dhënë miratimin”, tha ajo. Disa orë më vonë Dilara Goder njoftoi përmes Twitter se do të jepte dorëheqjen. “Është e vështirë të shkruash, heq dorë! Dua të falënderoj të gjithë partnerët e mi dhe Ciner Media Group për mundësinë që më ka ofruar deri më tani”, tha ai./Liberale.al

Liberale Newsroom

Poll
SHQIPENGLISH