Një ngjarje e rëndë ka ndodhur në ishullin e Kretës në Greqi, ku një 46-vjeçar ka përdhunuar vajzën 13-vjeçare të bashkëshortes së tij nga martesa e parë.
Ngjarja ka ndodhur teksa gruaja emigrante ndodhej në maternitet për të sjellë në jetë fëmijën e saj të pestë nga martesa me përdhunuesin e vajzës së saj.
Sipas raportimeve kjo nuk ishte hera e parë që 46-vjeçari përdhunonte 13-vjeçaren, e cila theu heshtjen, pasi nuk duroi dot më makthin që po përjetonte në duart e njerkut të saj.
E mitura i rrëfeu mësueses së saj në shkollë makthin që kalonte në shtëpi nga njerku i saj. Ka qenë mësuesja ajo që ka denoncuar rastin në polici.
Për pasojë 46-vjeçari është arrestuar.
