Kronikë

Durrës/ Pas shkolle dilnin në rrugë dhe qëllonin me gurë autobusët, Policia shoqëron 4 të mitur me prindërit e tyre në komisarit

Shkruar nga Liberale
Durrës/ Pas shkolle dilnin në rrugë dhe qëllonin me

Pasi linin shkollën ata godisnin me gurë autobusët e udhëtarëve në Durrës.

Katër fëmijë të moshës 12-13 vjeç, nga zona e Shkallnurit, fshat pranë aksit rrugor Plepa-Shkëmbi i Kavajës, janë kapur dhe shoqëruar, bashkë me prindërit, nga policia e Durrësit në ambientet e komisariatit pas denoncimit të bërë për goditjen me gurë të autobusëve të linjës.

Pasi mbaronin mësimin të miturit e kishin kthyer në lojë goditjen me gurë të autobusëve duke cënuar sigurinë e drejtuesve e pasagjerëve të tyre, sipas asaj që raporton Top Channel,  si dhe shkaktuar dëme materiale për shkak të thyerjes së xhamave.

Pasi u është tërhequr vëmendja prindërve dhe të miturve për sjelljen e rrezikshme, ata janë lënë të lirë, ndërsa po vijojnë procedimet për të marrë dhe denoncimet zyrtarisht të shoferëve të autobusëve, pasi ata kanë vijuar udhëtimin dhe pas incidenteve të pësuara.

Materialet pritet t’i kalojnë prokurorisë së Durrësit më pas, por mosha e të miturve e vështirëson procedimin penal të tyre.

Liberale Newsroom

Poll
SHQIPENGLISH