Ish-presidenti i Kosovës, Hashim Thaçi, i cili nuk u lejua të merrte pjesë në ceremoninë mortore të babait të tij, ka mbërritur ditën e sotme në Kosovë.
Ishte Gjykata Speciale e cila nuk e lejoi Thaçin të marrë pjesë në ceremoninë e varrimit të babait të tij që u mbajt të martën, më 18 mars në varrezat e fshatit Burojë të Skenderajt.
Nën masa të rrepta të sigurisë, Thaçi u soll sot nga Haga në Kosovë, pesë ditë pas vdekjes së babait, Haxhi Thaçit dhe tri ditë pas varrimit.
Pa humbur kohë ai ka shkuar menjëherë të varrezat ku prehet babi i ndjerë, duke i vendosur dhe një kurorë me lule.
