Presidenti amerikan Donald Trump deklaroi se çështjet territoriale dhe linjat e mundshme të demarkacionit në Ukrainë janë duke u diskutuar gjatë negociatave në Riad.
Ai gjithashtu përmendi se palët po diskutojnë potencialin e kontrollit të SHBA-së mbi termocentralet bërthamore në Ukrainë.
"Tani për tani, ne po flasim për territorin. Ne po flasim për linjat e demarkacionit, për energjinë, për pronësinë e termocentraleve. Disa thonë se termocentrali duhet t'i përkasë Shteteve të Bashkuara - sepse ne kemi ekspertizën", u shpreh Trump.
Ditën e sotme, delegacioni i SHBA dhe ai i Rusisë, janë takuar në Riad të Arabisë Saudite për të diskutuar mbi situatën. Një ditë më parë u mbajt një takim mes SHBA dhe përfaqësuesve të Ukrainës.
