Një tërmet i fortë goditi Mianmarin qendror të premten, sipas Shërbimit Gjeologjik të Shteteve të Bashkuara (USGS).
Njerëzit në Yangon dolën nga shtëpitë e tyre në panik,ndëra lëkundjet u ndjenë në Bangkok, kryeqyteti i Tajlandës fqinje dhe në Kinë, thanë dëshmitarët.
Shërbimi Gjeologjik i Shteteve të Bashkuara (USGS) tha se tërmeti ishte me magnitudë 7.7 të shkallës Rihter dhe në një thellësi prej 10 km (6.2 milje). Tërmeti u pasua nga një pasgoditje e fuqishme.
Epiqendra ishte rreth 17.2 km nga qyteti i Mandalay, i cili ka një popullsi prej rreth 1.2 milionë banorë, sipas USGS.
Një oficer nga Departamenti i Shërbimeve të Zjarrfikësve të Mianmarit i tha Reuters: “Ne kemi filluar kërkimin dhe kemi shkuar rreth Yangon për të kontrolluar për viktima dhe dëme. Deri më tani, nuk kemi ende informacion.”
Postimet në mediat sociale treguan ndërtesa të shembura dhe mbeturina të shpërndara nëpër rrugë.
Dëshmitarët e kontaktuar nga Reuters në Yangon thanë se shumë njerëz dolën me vrap nga ndërtesat në qytet.
Another aftermath video from Mandalay after it was hit by powerful 7.7 earthquake#earthquake #Myanmar pic.twitter.com/MUgIwctxm6
— Masood (@Masood9876) March 28, 2025
