Çmimet u shpallën në Universitetin e Kolumbias
Pulitzer 2025, nga New York Times te Washington Post: mediat e urryera nga Trump u shpërblyen
Çmimet Pulitzer të vitit 2025 nderojnë edhe një herë median që Donald Trump urren: The New York Times fitoi katër dhe The New Yorker tre në edicionin e këtij viti, i cili kishte në qendër të vëmendjes çështje që variojnë nga krizat në Sudan dhe Afganistan, emergjenca me fentanyl dhe përpjekja për vrasjen e Trump verën e kaluar, në atë kohë kandidat republikan për Shtëpinë e Bardhë. Çmimet u shpallën në Universitetin e Kolumbias.
Çmimi prestigjioz për gazetari në shërbim të publikut shkoi në duart e ProPublica për të dytin vit radhazi: Kavitha Surana, Lizzie Presser, Cassandra Jaramillo dhe Stacy Kranitz u nderuan për mbulimin e tyre të gjendjes së vështirë të grave shtatzëna që vdiqën në shtete me ligje të rrepta për abortin.
Reuters fitoi një Çmimin Pulitzer për një hetim mbi trafikimin e opioideve, ndërsa Wall Street Journal për vëmendjen ndaj Elon Musk, ndikimit të tij në lëvizjen konservatore dhe lidhjeve të tij të ngushta me Vladimir Putin.
Gazeta Washington Post u nderua për “lajmin e saj urgjent dhe ndriçues” mbi atentatin ndaj Trump, por çmimet Pulitzer i dhanë gjithashtu çmimin Anna Telnaes, karikaturistes që u largua nga gazeta pasi karikatura e saj editoriale e cila ironizonte shefat e teknologjisë - përfshirë pronarin e gazetës Jeff Bezos - ku i përuleshin presidentit të ri, u censurua.
