Udhëheqësi kinez Xi Jinping ka thënë se kombi i tij “nuk ka frikë”, në komentet e tij të para publike mbi përshkallëzimin e luftës tregtare me Shtetet e Bashkuara që ka goditur tregjet ndërkombëtare dhe ka nxitur frikën e një recesioni global.
“Nuk ka fitues në një luftë tregtare dhe të shkosh kundër botës do të çojë vetëm në izolim,” i tha Xi kryeministrit spanjoll Pedro Sanchez në Pekin të premten, sipas transmetuesit shtetëror CCTV.
“Për më shumë se 70 vjet, zhvillimi i Kinës është mbështetur në vetëbesimin dhe punën e palodhur, asnjëherë në materialet e të tjerëve dhe nuk ka frikë nga ndonjë shtypje e padrejtë”, shtoi Xi.
“Pavarësisht se si ndryshon mjedisi i jashtëm, Kina do të mbetet e sigurtë, do të qëndrojë e fokusuar dhe do të përqendrohet në menaxhimin e mirë të punëve të veta”, tha udhëheqësi kinez.
