Artikulli kryesor i kopertinës së TIME këtë javë i është dedikuar zgjedhjes së Papës. Fotografia nga Guglielmo Mangiapane—Reuters
Pas ditësh spekulimesh të ethshme, Kardinali amerikan Robert Francis Prevost u shpall si udhëheqësi i 267-të ose i 1.4 miliardë katolikëve të botës.
“Annuntio vobis gaudium magnum. Habemus Papam [Ju njoftoj një gëzim të madh. Kemi një Papë”, tha Kardinali francez Dominique Mamberti ndërsa prezantoi njeriun që do të marrë detyrën nga Papa Françesku i dashur, i cili vdiq më 21 prill.
“Ai do të mbajë emrin Leo i 14-të”, tha Kardinali francez në latinisht nën brohoritjet entuziaste të turmave që ishin mbledhur në Sheshin e Shën Pjetrit, kur tymi i bardhë nisi të dilte nga oxhaku mbi Kapelën Sistine, ku u zhvilluan zgjedhjet, pak më shumë se një orë më parë.
Papa Leo do t'u shërbejë rreth 1.4 miliardë katolikëve në të gjithë botën - shumë prej të cilëve vijnë nga jugu global - gjatë një periudhe të shënuar nga rënie në pjesëmarrjen në Kishën Katolike dhe konflikte të mëdha politike.
Mbetet shumë për t'u ditur rreth Papa Leos, i cili shihet si një centrist. I lindur në Illinois ka shtetësi të dyfishtë, nga SHBA-ja dhe Peruja, ai foli italisht dhe spanjisht gjatë fjalimit të tij të parë drejtuar publikut, gjatë të cilit ai u fokusua te paqja.
Zgjedhja e tij është, pjesërisht, një largim nga Papa Françesku, i cili konsiderohej si progresist. Françesku mbahet mend për aktet e tij të përulësisë dhe përfshirjes, të tilla si: larja e këmbëve të refugjatëve migrantë - përfshirë myslimanë, hindu dhe të tjerë - dhe shprehja e mbështetjes për një rol më të madh për gratë në Kishë. Ai ndoshta mbahet mend më shumë për qëndrimin e tij ndaj katolikëve LGBTQ+: "Nëse një person është homoseksual dhe kërkon Zotin dhe ka vullnet të mirë, kush jam unë që ta gjykoj?" tha Françesku në një deklaratë mbresëlënëse të vitit 2013. Françesku ishte gjithashtu një zë i shquar në thirrjen për paqe globale, duke përdorur mesazhin e tij të fundit në meshën e Pashkëve për të bërë thirrje për një armëpushim në Gaza.
