Zv.Presidenti i SHBA-ve, JD Vance, dekalroi gjatë Konferencës së Sigurisë në Mynih se liria e fjalës në Europë është në rënie.
Ai tha se sot nuk mund t’i imponosh njerëzve se çfarë të mendojnë apo të besojnë.
“Në Britaninë e Madhe dhe në të gjithë Evropën, liria e fjalës është në rënie. Nuk mund t’u imponosh njerëzve se çfarë të mendojnë, të ndiejnë apo të besojnë. Fatkeqësisht, kur shoh Evropën sot, nuk është gjithmonë e qartë çfarë ka ndodhur me disa prej fituesve të Luftës së Ftohtë”, deklaroi ai.
Vance gjithashtu nënvizoi se me kthimin e Donald Trump në pushtet, SHBA ka një qasje të re në politikën ndërkombëtare.
“Me Donald Trump ka një sheriff të ri në Uashington”, u shpreh ai.
Duke folur për marrëdhëniet transatlantike, Vance theksoi se sfida kryesore për Evropën nuk është kërcënimi nga Rusia apo Kina, por një rrezik i brendshëm: largimi i Bashkimit Evropian nga vlerat e përbashkëta me Shtetet e Bashkuara.
Sa i përket luftës në Ukrainë, nënkryetari amerikan deklaroi se SHBA shpreson për një “marrëveshje të arsyeshme” midis Ukrainës dhe Rusisë, duke sugjeruar një qasje më pragmatike në diplomaci.
