Një grua japoneze akuzohet se e mbylli partnerin e saj të zhveshur në ballkonin e shtëpisë në dimër të vitit 2022, duke e lënë aty gjithë natën, duke i shkaktuar atij vdekjen nga hipotermia, njoftoi sot policia japoneze.
Pas vdekjes së burrit me të cilin jetonte e pandehura 54-vjeçare, autoritetet e kanë akuzuar atë për sulm dhe kurth, bëri me dije policia e Nagasaki (Japonia jugore).
Në shkurt 2022, e pandehura "e detyroi burrin të dilte në një ballkon, teksa ishte i zhveshur dhe e mbylli atje," tha oficeri i policisë Masafumi Tanigawa.
Kur policia mbërriti në vendngjarje, pas një thirrjeje urgjente, ata gjetën 49-vjeçarin "gjysmë të vdekur" në një dhomë dhe më vonë ai vdiq nga hipotermia.
Sipas gazetës japoneze Mainichi, temperatura e jashtme atë natë kishte rënë në 3.7 gradë Celsius.
Sipas policisë, 54-vjeçarja mohon akuzat, duke thënë se “nuk ka bërë asgjë”. Në të kaluarën, ajo kishte sulmuar me thikë partnerin e saj, duke i shkaktuar lëndime në hundë.
