Izraeli sulmoi me raketa në të paktën një objekt ushtarak në Iran, mëngjesin e sotëm sipas ABC News dhe CNN.

Një zyrtar i lartë iranian i tha agjencisë së lajmeve Reuters se “Irani nuk ka plan për hakmarrje të menjëhershme kundër Izraelit”, disa orë pas një sulmi në qytetin iranian të Isfahanit, i cili raportohet se është kryer nga Izraeli.

Po sipas mediave të huaja, dy zyrtarë amerikanë i thanë mediave se sulmi erdhi nga Izraeli, por Izraeli nuk e ka marrë ende përgjegjësinë deri më tani.

“Burimi i huaj i incidentit nuk është konfirmuar. Ne nuk kemi marrë asnjë sulm të jashtëm dhe diskutimi anon më shumë drejt infiltrimit sesa sulmit,” tha zyrtari iranian në kushte anonimiteti.

Vetëm rreth një orë më parë, një analist iranian i tha televizionit shtetëror iranian se “mini dronët e rrëzuar nga mbrojtja ajrore në Isfahan u fluturuan nga persona të infiltruar nga brenda Iranit”, duke minimizuar raportet se Izraeli kishte kryer sulmin.

Kujtojmë se sulmet e Izraelit vijnë si një kundërpërgjigje pas sulmeve të Iranit të shtunën e kaluar, ku vendi dërgoi një breshëri prej më shumë se 300 dronë pa ekuipazh dhe raketa drejt objektivave në të gjithë Izraelin, të paktën kështu thanë më parë zyrtarët ushtarakë izraelitë.
Izraeli kishte kryer sulmin.