Shefja e politikës së jashtme të Bashkimit Evropian, Kaja Kallas, ka thënë se lajmi për ndaljen e luftimeve midis Izraelit dhe Iranit është i mirë, por situata është ende e brishtë.
Ajo ka kërkuar që të gjitha palët të ndalojnë dhunën dhe të mos e përkeqësojnë gjendjen. Kallas tha se Bashkimi Evropian është pranë të gjithë njerëzve që janë prekur nga luftimet, përfshirë edhe Katarin.
Ajo shtoi se tani është koha që të gjithë të ulen sërish në tryezën e bisedimeve dhe të punojnë për paqe. Kallas tha se do të vazhdojë të angazhohet me të gjitha palët për të arritur një zgjidhje paqësore.
