Anglia fiton 3-0 me Senegalin dhe shkon në çerelfinale të Kupës së Botës. Kampionët e votit të largët 1966 treguan “etjen” për t’u rikthyer në këtë turne te trefeu i munguar. Pjesa e parë nisi me sulmet e afrikanëve, por pa rrezik, me portierin Pickford, i cili ishte në formë të shkëlqyer. Rezultati do të mbetej i pandryshuar deri në minutë e 39’ të ndeshjes, ku pas një pasimi të bukur në zonë nga ana e Jude Bellingham, Jordan Henderson nga brenda zonës kalon Anglinë në avantazh.
45 minutëshi i parë nuk do të mbaronte me kaq, pasi në kohë shtesë, në 48’, pas një kundërsulmi të shpejtë, Foden pason tek kapiteni Harry Kane, i cili përballë portierit Mendy, nuk gabon dhe shënon golin e tij të parë në këtë Kupë Bote.
Pjesa e dytë foli vetëm për Anglinë. Në minutën e 57’, Foden u rikthye sërish në “protagonist”, ku me një shërbim fantastik për anësorin Bukayo Saka, shifrat shkojnë në 3 me 0, duke i dhënë Senegalit, goditjen e “knock-out”-it.
Me fitoren 3-0 ndaj Senegalit, “tre luanët” të drejtuar nga tekniku Southgate, do të përballen në raundin tjetër me Francën, për një vend në gjysmëfinale.
