Ndalimi i ri në Holandë është ky: asnjë turist anglez në Amsterdam. Sidomos nëse janë të rinj nga mosha 18 deri në 35 vjeç. Pikërisht atyre u drejtohet qyteti holandez, i angazhuar për të shkundur imazhin e kryeqytetit evropian të seksit dhe drogës , në një fushatë reklamuese ad hoc.
“Qëndroni larg” ,janë mesazhe në internet nga autoritetet lokale që përshkruajnë rreziqet e përdorimit të tepërt të alkoolit dhe drogës në një qytet ku kafenetë mund të shesin sasi të kufizuara kanabisi, por sipas rregullave strikte.
Dhe ata nuk mund të shërbejnë alkool për të miturit. Videot e qarkulluara në internet tregojnë turistë të rinj anglezë nëpër rrugë, të prangosur nga policia. Dhe mesazhi që autoritetet holandeze u kanë dërguar atyre veçanërisht është i qartë: një fundjavë e gjatë në Amsterdam mund të krijojë llojin e gabuar të kujtimeve, arratisja që dëshironi në kryeqytetin e njohur të festave mund të çojë në pasoja për të ardhur keq.
Për britanikët mjaftojnë 57 dollarë për një fluturim vajtje-ardhje në Amsterdam. Kjo është edhe arsyeja pse shumë agjenci udhëtimi britanike ofrojnë mundësi për të kaluar fundjavën në Amsterdam, të kompletuara me lundrime nëpër kanale me pije alkoolike të pakufizuara, netë me biftek dhe striptizëm në pijetoret e lagjeve me drita të kuqe.
Vendimi i autoriteteve holandeze erdhi pas ankesave të shumta nga qytetarët holandezë për britanikët e dehur që urinojnë në publik, vjellin në rrugë, zhvishen lakuriq, grinden dhe shkaktojnë trazira.
/Liberale.al/
