Një moment tepër prekës ishte për maturanten nga Ukraina Khrystyna Marchuk, e cila performoi një vals me xhaketën ushtarake të babait të saj, i cili u vra në luftë.
Vajza nuk mundi ta ndante kërcimin tradicional të diplomimit me të atin, pasi ai u vra duke mbrojtur Ukrainën. Kështu ajo mbajti në duar xhaketën e tij ushtarake dhe me lot në sy, performoi valsin e vetme. Në fund të vallëzimit, ishin shoqet e klasës që treguan mbështetjen e tyre, duke i dhuruar asaj një përqafim të ngrohtë.
Khrystyna Marchuk u diplomua në Liceun nr. 3 në Deliatyn, rajoni Ivano-Frankivsk, ndërsa Babai i saj, Andrii Mykolaiovych Marchuk, u vra më 13 mars 2022 gjatë sulmeve ruse.
