Kissinger ishte aktiv edhe pas njëqindvjetorit të tij, duke marrë pjesë në takimet e Shtëpisë së Bardhë, duke botuar një libër mbi stilet e lidershipit dhe duke dëshmuar para një Komiteti të Senatit për kërcënimin bërthamor të paraqitur nga Koreja e Veriut. Në vitet 1970, ai pati një dorë në shumë nga ngjarjet botërore të epokës së dekadës, ndërsa shërbente si Sekretar Shteti nën presidentin republikan Richard Nixon. Përpjekjet e refugjatit hebre me origjinë gjermane çuan, ndër të tjera, në hapjen diplomatike të Kinës. Në kuadër të vdekjes së tij, shumë momente nga jeta dhe qëndrimi i tij në Shtëpinë e Bardhë po bëjnë xhiron e internetit dhe një prej tyre ishte takimi që pati me liderin kinez Mao Ce Dun. Në video, Mao shihet duke u emocionuar për Nancy Kissinger, por edhe i befasuar nga diferenca e madhe në gjatësi mes dyshes.

My favorite Kissinger video was when he introduced his wife to Mao, who got his mind absolutely blown by the height difference ? pic.twitter.com/G48eBdYxAO

— Arnaud Bertrand (@RnaudBertrand) November 30, 2023

Në librin e tij, Sekretari i 56-të i Shtetit i SHBA-së tha se u takua me Mao Ce Dunin gjithsej pesë herë, dhe ndoshta më e veçanta ishte kur ishte me gruan e tij. Siç shkruante ai në librin e tij, "Mao tregoi interes për të takuar gruan time dhe fakti që ajo ishte jashtë për të bërë pazar nuk e ndaloi atë. Një 'polic protokolli' që e dinte saktësisht se ku ishte Nancy pothuajse e rrëmbeu nga brenda dyqanit për ta sjellë në zyrën ku takuam Maon."/Liberale.al