Aktualitet

Video/ Vidhte dyqanet elektronike në Tiranë, si ra në pranga i riu

Shkruar nga Liberale
Video/ Vidhte dyqanet elektronike në Tiranë, si ra në pranga i

Një 34-vjeçar është kapur nga policia pasi vidhte pajisje elektronike në dyqane të ndryshme të kryeqytetit.

Ai dyshohet se është autor i  tri rasteve të vjedhjes së pajisjeve elektronike (laptop) në dyqane të ndryshme të kryeqytetit.

Njoftimi i Policisë

Finalizohet nga Komisariati i Policisë Nr. 1 operacioni policor i koduar “Lenovo”.

Kapet dhe ndalohet një 34-vjeçar, si autor i dyshuar i tri rasteve të vjedhjes së pajisjeve elektronike në dyqane të ndryshme të kryeqytetit.

Shërbimet e Komisariatit të Policisë Nr. 1, në vijim të punës për parandalimin e vjedhjeve, zbardhjen e atyre të ndodhura më parë, identifikimin dhe kapjen e autorëve, bazuar mbi informacionet e marra në rrugë operative dhe pas një pune të mirëfilltë hetimore, finalizuan operacionin policor të koduar “Lenovo”, në kuadër të të cilit kapën dhe ndaluan shtetasin:

– E. C., 34 vjeç, banues në Tiranë.

Bazuar në provat e grumbulluara, informacionet e marra në rrugë operative dhe veprimeve hetimore të kryera, specialistët për parandalimin dhe hetimin e krimit bënë të mundur zbardhjen dhe dokumentimin me prova ligjore të tri rasteve të vjedhjes së pajisjeve elektronike (laptop) nga ky shtetas, në dyqane të ndryshme të kryeqytetit, konkretisht:

• Më datë 30.12.2019 ka vjedhur një laptop, në dyqanin e një qendre tregtare;

• Më datë 10.01.2020 ka vjedhur një laptop, në një dyqan në rrugën “Luigj Gurakuqi“;

• Më datë 13.01.2020 ka vjedhur një laptop, në një dyqan në Rrugën e Durrësit;

Materialet procedurale i kaluan për veprime të mëtejshme Prokurorisë të Rrethit Gjyqësor Tiranë, për veprën penale “Vjedhja”./Gazeta Liberale

https://www.facebook.com/1502420603377639/videos/966040213798771/

Liberale Newsroom

Poll
SHQIPENGLISH