Aktualitet

Spahia: Investimi “i madh” i Ramës në shëndetësi, një flluskë sapuni

Shkruar nga Liberale
Spahia: Investimi “i madh” i Ramës në

Ish-deputeti i PD, Bardh Spahia ka denoncuar ndërtimin e një godine të re të shërbimeve kirurgjikale në QSUT.

Në një postim në rrjetet sociale, Spahia shkruan se është përgjysmuar numri i shtretërve, ndërsa teknologjia është skandaloze.

Postim i plotë

Shëndetësi me tollon, vetëm nga Edi Rama!

Nesër kryeministri ilegjitim do inaugurojë me bujë godinën e re të shërbimeve kirurgjikale në QSUT, ku përfshihen klinikat 1, 3 dhe Urologjia. Në fakt investimi “i madh” i qeverisë është një flluskë sapuni, në filozofinë e “tollonit”, pra racionimit të kujdesit shëndetësor, por edhe të kthimit pas në teknologji.

1- Eshtë përgjysmuar numri i shtretërve, duke mos patur mjaftueshem shtretër as për urgjencat, e jo më për të sëmurët e planifikuar. Sa për ilustrim: nga 50 shtretër që ka patur klinika 3, numri reduktohet në 30. Kurse klinikës 1 i ulet numri I shtretërve nga 34 në 30.

2- Teknologjia pastaj është histori më vete, skandaloze. Pajisjet e përdorura janë “standard definition“ e jo „high definition“ sic është standardi modern në Europë. Burimet thonë se firmës fituese I janë dashur përpjekje titanike për të gjetur atë teknologji të viteve ’90 për kolonat e aparaturat e videolaparoskopisë, se nuk po përdoren më.

3- Nuk është menduar për ambiente të nevojshme për studentët, profesorët që të zhvillojnë mësim në këtë qendër edukuese. Për stafin mjekësor janë vetëm 4 dhoma të vogla, pra 2-3 mjekë në një dhomë. Filozofia dritëshkurtër rilindase harron faktorin kryesor, atë njerëzor.

Të gjitha këtyre mangësive, u shtohet ajo më e madhja: rreziku kryesor i mospërmbushjes së numrit të ndërhyrjeve të planifikuara për shkak të koncesionit të sterilizimit e mungesës së fondeve.

#Paaftësia e kombinuar me makutërinë është rrezik fatal për qytetarët e vendin! #RamaIk/Gazeta Liberale

Liberale Newsroom

Poll
SHQIPENGLISH