Skocia i ka ndaluar me ligj prindërit që të godasin fëmijët e po ashtu edhe çfarëdolloj ndëshkimi fizik. Sipas ekspertëve, të ndëshkosh fizikisht një fëmijë, nuk është kurrë një zgjidhje e vlefshme dhe rrezikon të shkaktosh efekte psikologjike negative afatgjata.
Deputeti John Finnie ka prezantuar këtë projektligj, ndërsa ka marrë mbështetjen e laburistëve dhe liberal demokratëve, përveç asaj të Partisë Kombëtare Skoceze të Sturgeon dhe disa OJQ-ve që merren me kujdesin e fëmijëve.
Por, ideja nuk i ka bërë të gjithë në një mendje, përkundrazi, në Skoci janë ndezur polemikat. Konservatorët lokalë kanë kundërshtuar ligjin, e po ashtu edhe qytetarët skocezë, që sipas një sondazhi, janë shprehur masivisht kundër masës./Gazeta Liberale
