Aktualitet

Shqiptarët e gjobitur nga Greqia, Rama: Të aplikojnë për rimbursim

Shkruar nga Liberale
Shqiptarët e gjobitur nga Greqia, Rama: Të aplikojnë për

Kryeministri Edi Rama ka bërë me dije se të gjithë shqiptarët që janë gjobitur nga autoritetet greke për tejkalim afati gjatë periudhës së karantinimit për shkak të Covid-19, mund të aplikojnë për rimbursim.

Në një postim në Facebook, Rama shkruan, se për të bërë këtë aplikim personat duhet të disponojnë dokumentin e pagesës së gjobës së autoriteteve greke.

Postimi i plotë:

Të gjithë qytetarët që disponojnë dokumentin e pagesës së gjobës së autoriteteve greke për shkak të kalimit të afatit të qëndrimit në Greqi, janë të lutur të aplikojnë për rimbursimin:

https://www.tatime.gov.al/…/njoftim-per-rimbursimin-e-gjoba…

*Si rezultat i mirëkuptimit të qeverisë greke dhe angazhimit personal të kryeministrit Mitzotakis, shqiptarët me leje të përkohshme qëndrimi nuk u penalizuan masivisht për shkeljen e pavullnetshme të afateve.

Por sidoqoftë është verifikuar një numër i kufizuar rastesh kur janë vendosur gjoba dhe siç jam zotuar ato do të rimbursohen nga shteti shqiptar, sepse ne themi atë që bëjmë dhe bëjmë atë që themi.

Liberale Newsroom

Poll
SHQIPENGLISH