Ministrja e Shëndetësisë dhe Mbrojtjes Sociale, Albana Koçiu ndau sot lajmin e mirë për fëmijët me humbje të dëgjimit, ndërsa thotë se në shërbimin e Otorinolaringologjisë në Qendrës Spitalore Universitare “Nënë Tereza” pranë spitalit francez, po “vijon me sukses programi i implantit koklear, një procedurë që ka ndryshuar jetën e dhjetëra fëmijëve përgjatë këtyre katër viteve”.
“Vendosja e implantit koklear vazhdon me programimin e aparaturës që së bashku me terapinë e logopedisë, që i ndihmon fëmijët jo vetëm të dëgjojnë, por edhe të mësojnë të flasin”, thotë Koçiu.
Koçiu shprehet se “për fëmijët që nuk përfitojnë nga aparatet e zakonshme të dëgjimit, ky implant është shpresa për një jetë të integruar, duke u dhënë mundësinë për një zhvillim të plotë”.
Postimi i plotë i Koçiut:
Lajm i mirë për fëmijët me humbje të dëgjimit!
Në shërbimin ORL pranë Spitalit Francez, po vijon me sukses programi i implantit koklear, një procedurë që ka ndryshuar jetën e dhjetëra fëmijëve përgjatë këtyre katër viteve. Vendosja e implantit koklear vazhdon me programimin e aparaturës që së bashku me terapinë e logopedisë, i ndihmon fëmijët jo vetëm të dëgjojnë, por edhe të mësojnë të flasin.
Për fëmijët që nuk përfitojnë nga aparatet e zakonshme të dëgjimit, ky implant është shpresa për një jetë të integruar, duke u dhënë mundësinë për një zhvillim të plotë.
#Mirënjohje ekipit të mjekëvë: Prof. Birkena Qirjazi, Dr. Arbër Gjermeni (Anestezist), Prof. Suela Sallavaci dhe Infermierët: Monika Kita, Flutura Hyseni, Stela Mine, Teuta Duravaku, Marsel Muço.
