Presidenti i Emirateve të Bashkuara, Sheikh Mohamed bin Zayed Al Nahyan, ka uruar kryeministrin Edi Rama për fitoren e tij në zgjedhjet parlamentare të 11 Majit.
Ai shprehet besimplotë për një zgjerim të bashkëpunimit mes kombeve.
“Urime të sinqerta Kryeministrit Edi Rama për rezultatin e zgjedhjeve parlamentare në Shqipëri. Lidhjet midis Emirateve të Bashkuara Arabe dhe Shqipërisë kanë parë një rritje të fortë vitet e fundit dhe jam i bindur se së bashku mund të vazhdojmë të zgjerojmë bashkëpunimin dhe të promovojmë zhvillimin e mëtejshëm në të mirë të kombeve dhe popujve tanë”, ka shkruar Presidenti i Emirateve të Bashkuara.
