Blerina Bala është komanduar në krye të Bashkisë së Himarës.
Ajo u zgjodh me miratimin e Këshillit Bashkiak, pas arrestimit të Jorgos Goros, i cili dha dorëheqjen nga posti i kryetarit në detyrë, pak ditë më parë.
Theksojmë se mbledhja e sotme e Këshillit Bashkiak nisi me tensione. Me thirrje në Greqisht, banorët përzunë nga mbledhja prefektin e Vlorës, Vangjel Tavon, ndërsa njëri prej tyre e pështyu në fytyrë.
Kujtojmë se kryebashkiaku i zgjedhur në maj 2023, Fredi Beleri ndodhet në burg pazi akuzohet për blerje votash.
Ndërsa kryetari në detyrë Jorgo Goro, u arrestua disa ditë më parë, pasi akuzohet se ka shpërdoruar detyrën duke tjetërsuar dy prona në Dhërmi, në dy episode, ku përfitues fundor i truallit, me një siperfaqe në total prej 10592 m2, ka qenë biznesmeni Artan Gaçi, ish-deputet i PS.
