Kreu i PSD-së Tom Doshi ka votuar te shkolla 9-vjeçare “Kongresi i Lushnjës” në Tiranë.
Përmes një deklarate për mediet, Doshi shprehu besimin se rezultati i PSD në këto zgjedhje do të jetë surprizë për të gjithë.
Ai u shpreh i prerë se nuk do të bëjë koalicion me kreun e PD-së, Sali Berisha, por la të hapur mundësinë e koalicionit me PS-në.
"Është dita më e rëndësishme për 4 vitet e ardhshme dhe kush do të jetë përfaqësues i qytetarëve në Kuvend. Kam shumë shpresë se rezultati për PSD do të jetë një surprizë në të gjithë Shqipërinë. Me zotin Berisha nuk bëj koalicion. Për sa i përket PS do të shohim ecurinë e rezultatit".-u shpreh ai.
