Në portin e Durrësit ka nisur sezoni jahteve dhe kroçerave.
Këtë të shtunë aty u ankorua superjahti luksoz i pronarit të Totenham, Joseph Lewis që vlerësohet rreth 250 milionë dollarë.
Jahti luksoz “Aviva” është nga më të gjatët në botë dhe pritet të qëndrojë disa ditë në Durrës.
Një ditë më parë në Durrës qëndroi edhe jahti “Art Explorer”.
Kryeministri Rama thotë se ai do të rikthehet sërish si një ekspozitë lëvizëse me perlat artistike nga Muzeu i Luvrit në Francë.
