“Aleatët e trazuar të Amerikës duhet të forcohen. Për të mos u shkatërruar, ata kanë nevojë për një plan më të mirë se sa lajkat dhe lëshimet” shkruan THE ECONOMIST në analizën kryesore të javës.
Janë rreth 40 vende përfshirë, edhe Shqipërinë, që sigurinë ia kanë besuar SHBA-ve. Por a duhet të jenë më të sigurta vendet aleate të SHBA-së?
Për dekada Amerika ka qëndruar pranë miqve të saj duke u bërë pengesë për armiqtë e tyre. Kjo qëndrueshmëri po përmbyset me shpejtësi, pasi Donald Trump, përmes kërcënimeve të forta, kërkon marrëveshje me kundërshtarët. Pasi ngriu të gjithë ndihmën për Ukrainën më 3 mars, administrata e tij e rivendosi atë kur Ukraina ra dakord në parim për një armëpushim 30-ditor.
Është e paqartë se sa fort do ta shtyjë Shtëpia e Bardhë Vladimir Putin ta pranojë marrëveshjen. Në të njëjtën ditë, Trump vendosi edhe më shumë tarifa ndaj Kanadasë.
Kryeministri i saj i ri, Mark Carney, paralajmëroi se një Amerikë grabitqare do “ujin tonë, tokën tonë, vendin tonë”.
Dhe mos harroni Azinë. Presidenti sapo ka ngritur dyshime mbi përfitimet për Amerikën e traktatit të mbrojtjes SHBA-Japoni, të cilin Eisenhower e nënshkroi në vitin 1960. Në të gjithë botën, aleatët kanë frikë se Amerika e Para do të thotë se ata vijnë të dytët, të tretët apo edhe të fundit.
/Liberale.al/
