Një zjarr ka rënë paraditen e sotme në një banesë në lagjen “Granicë” të Gjirokastrës, duke shkaktuar panik te banorët e zonës.
Menjëherë pas marrjes së njoftimit, shërbimi zjarrfikës është nisur drejt vendngjarjes dhe ka ndërhyrë në kohë për të neutralizuar flakët. Sipas verifikimeve paraprake, zjarri ka shpërthyer si pasojë e një defekti në rubinetin e bombolës së gazit që përdorej për gatim.
Fatmirësisht, ndërhyrja e shpejtë dhe profesionale e zjarrfikësve bëri të mundur fikjen e zjarrit pa dëme në njerëz. Bombola u nxor menjëherë jashtë ambientit të banesës, duke shmangur rrezikun e shpërthimit apo dëmeve më të mëdha.
