Momenti kur Ahmet Zogu dhe mbështetësit e tij mbërrijnë nga Beogradi në Tiranë më 24 dhjetor 1924, duke përmbysur qeverinë e Fan Nolit
Ofensiva e Zogut me mbështetësit e tij filloi më 14 dhjetor 1924. Zogu hyri në Tiranë më 24 dhjetor 1924. Ai pati me vete 80 rus, të cilët ishin kundër bolshevizmit dhe që banonin në Çekosllavaki dhe që i përdori si mjeshtër të artilerisë. Ai, më 17 dhjetor shoqërohej nga 2000 dibranë të rreshtuar pas Murat Kaloshit, Tafë Kaziut, Dine Hoxhës dhe Sulë Shehut. Forcat kundër tij ishin gjithsej 300 civilë të E. Isufit dhe 200 forca qeveritare të Ali Rizasë. Kur hyri në Tiranë forcat e Zogut u shtuan edhe gjatë rrugës dhe arritën në rreth 6000 vetë prej Dibre, Mati e Kosova. Në Peshkopi u mori forcave qeveritare edhe ato pak armatime që kishin.
Me të hyrë në Tiranë, Ahmet Zogu rrëzoi qeverinë e Fan Nolit, e cila qeverisi vetëm 6 muaj e 7 ditë dhe hipi në karrigen e kryeministrit. Pastaj u bë president i Republikës dhe në vitin 1928 u vetëshpall Mbret i Shqiptarëve.
