Nga Vau i Dejës, kreu demokrat Sali Berisha, i ka dhënë mesazh kryeministrit Edi Rama, duke i thënë “ditët e tua kanë mbaruar”.
Berisha, teksa e akuzoi Ramën se ka bërë gjithçka për një Shqipëri pa opozitë dhe se ka nxituar lagrimin e shqiptarëve, i thotë kreut të qeverisë se “kush në botë nuk të shpëton ty.”
Berisha: I them këtu para jush Edi Ramës: Ditët e tua kanë mbaruar.
Bëre gjithçka, tejkalove çdo lloj norme, çdo lloj ligji, dëshmove se je një shpirt satan si i ati i tij që firmoste varjen e njerëzve. Bëre gjithçka për një Shqipëri pa opozitë.
I shndërrove pasuritë e këtij vendi në plaçkë dhe i përzure fëmijët e Shqipërisë nga Shqipëria.
I mbajte pensionet më të ulëta dhe bëre një të tretën e kombit të flasë me vete nga varfëria. Nuk ka gjë në botë që të shpëton.
Prandaj as Bajrët, as Çelët, as Troplinët dhe kush në botë nuk të shpëton ty.
