Një aksident i ka marrë jetën një 30 vjeçareje, me origjinë shqiptare në Malaga, Spanjë, ku ishte zhvendosur dhe jetonte për rreth një vit.
Evelyne Salimusaj u përplas për vdekje nga një makinë në qytetin spanjoll, e cila drejtohej nga një i ri, i cili sipas raportimeve ishte në gjendje të dehur.
Ndërkaq, sipas të dhënave fillestare, drejtuesi i mjetit u përpoq që të largohej nga vendi i ngjarjes, por që u identifikua dhe u konfirmua se kishte rezultuar pozitiv në testin e alkoolit.
Fatkeqësisht me gjithë përpjekjet e stafit mjekësor, e reja nuk mund të mbijetonte nga plagët e marra.
Ndërsa lajmi i dhimbshëm ka tronditur komunitetin e Ciseranos, Itali, ku Evelyne ishte lindur dhe rritur. Evelyne e cila kishte lindur nga një nënë italiane dhe baba shqiptar, ishte me profesion parukiere. Tashmë nëna e saj jeton me dy vëllezërit e Evelyne në Morengo, pasi pak kohë më parë humbi bashkëshortin.
Ndërkaq, hetimet për ngjarjen po vijojnë, ndërsa familja dhe miqtë e saj po kërkojnë drejtësi për humbjen e parakohshme të 30-vjeçares.
