Një ngjarje tragjike raportohet se ka ndodhur pasditen e sotme në Lagunën e Patokut. Paraprakisht mësohet se një 16-vjeçar është mbytur teksa u fut në ujë për t'u larë, ndërsa një i mitur tjetër ndodhet në gjendje të rëndë.
Burimet policore bëjnë me dije se dy të miturit, shokë me njëri-tjetrin tentuan të kalonin përmes një kanali që lidh lagunën e Patokut me detin.
Trupi i pajetë i 16-vjeçarit nuk është gjetur ende. Është kërkuar ndihma e polumbarëve dhe forcave RENEA.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
Kurbin / Informacion paraprak:
Sot, më datë 24.07.2025, rreth orës 15:00, në lagunën e Patokut, dy 16-vjeçarë kanë hyrë për t’u larë në det, duke kaluar përmes kanalit që lidh lagunën me detin.
Ndërsa ishin duke u larë, njëri prej tyre është nxjerrë nga uji dhe është transportuar në spital për ndihmë mjekësore, ndërsa 16-vjeçari tjetër dyshohet se është mbytur dhe trupi i tij nuk është gjetur ende.
Në vendngjarje ndodhen shërbimet e Komisariatit të Policisë Kurbin dhe të Policisë Kufitare, si dhe është kërkuar ndërhyrja e palombarëve të Renea-s, për kërkimin dhe gjetjen e trupit.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
