Gjykata e Lartë ka rrëzuar rekursin e Florenc Çapjas, i cili u ekstradua nga Dubai disa muaj më parë.

Çapja kërkoi ndryshimin e masës “arrest me burg”, por Gjykata e Lartë i rrëzoi kërkesën duke e lënë në qeli.

Ai akuzohet për sigurim kushtesh për të kryer vrasjen e Sokol Sanxhaktarit. Emri i tij u përmend nga i penduari i drejtësisë, Nuredin Dumani.

Florenc Çapja dyshohet se dha porosi për vrasjen e Nezir dhe Gentian Beqiri, babë e bir, ngjarje e ndodhur në vitin 2012.

44-vjeçari Florenc Çapja është nipi i Ardian Çapjas, i cili është kreu i një grupi të njohur kriminal në qytetin e Elbasanit, i cili ka pasur përplasje me grupin e një tjetër personazhi të njohur të botës së krimit, Suel Çela. Ai është i dyshuar për një sërë veprash penale, mes tyre porosi vrasjeje dhe përfshirje në aktivitete kriminale që shtrihen përtej kufijve të Shqipërisë. Çapja është akuzuar nga SPAK si porositës i vrasjes në 2012 të babë e bir Nezir dhe Gentian Beqirit në Elbasan.

Bashkë me Florencin, edhe xhaxhai i tij Ardian Çapja, i cili ndodhet aktuialisht në burg, janë dënuar me burgim të përjetshëm për akuzën e vrasjes së Nezir e Gentian Beqirit babë e bir në banesën e tyre në Elbasan në 2012.