Mjegulla e dendur ka përfshirë mëngjesin e kësaj të premteje aksin rrugor nacional Korçë – Maliq dhe drejt Pogradecit, duke sjellë kështu vështirësi në qarkullimin e mjeteve.
Si pasojë drejtuesit e automjeteve janë detyruar të lëvizin me shpejtësi të reduktuar për të shmangur aksidentet e mundshme.
Ndërkohë, policia rrugore ka apeluar për kujdes të shtuar, veçanërisht në ngjitje të Qafë-Thanës, ku mjegulla është e pranishme dhe kthesat e shumta paraqesin rrezik për drejtuesit e mjeteve.
Të gjithë shoferët këshillohen të respektojnë rregullat e qarkullimit dhe të përdorin dritat e mjegullës për shmangien e aksidenteve.
