Kolegji i Posaçëm i Apelimit rikthen në detyrë Antoneta Sevdarin.
Kolegji i Posaçëm i Apelimit ka shpallur vendimin sa i përket kërkesës për rishqyrtim të vendimit mbi shkarkimin e ish-prokurores Antoneta Sevdari.
Strasburgu dënoi Shqipërinë me dëmshpërblimin e ish-prokurores me disa paga dhe sugjeroi të rishikohej vendimi i shkarkimit të saj pasi i janë shkelur disa të drejta gjatë rivlerësimit kalimtar.
Kërkesa e Sevdarit për rishikim në Kolegj, erdhi pasi Gjykata Evropiane e të Drejtave të Njeriut, GJEDNJ gjeti shkelje të nenit 8 të Konventës në rastin e shkarkimit të saj nga Kolegji i Posaçëm i Apelimit.
Gjykata vuri në dukje se vendimi i shkarkimit ishte i padrejtë.
