Një aksident mes dy makinave, një Fiat dhe një Benz, në zonën e “Rrethit të Skelës” në Vlorë, ka përfunduar në një përplasje të dhunshme dhe të pazakontë. Pas përplasjes fillestare, drejtuesi i Benz-it, një 25-vjeçar me inicialet E. H., ka humbur kontrollin dhe ka nisur të godasë me qëllim makinën tjetër, duke i rrezikuar jetën shoferit 18-vjeçar që ndodhej brenda.
Policia ndërhyri menjëherë dhe arrestoi autorin në flagrancë, falë reagimit të shpejtë të forcave “Shqiponja” dhe efektivëve të tjerë që ndodheshin pranë vendngjarjes.
E. H. akuzohet për “Shkatërrim prone me mjete të tjera” dhe “Prishje të rendit dhe qetësisë publike”. Ngjarja ka shkaktuar reagime të shumta në rrjetet sociale për shkak të dhunës së treguar në mes të qytetit.
Materialet janë dërguar në Prokurorinë e Vlorës për veprime të mëtejshme ligjore.
