Një shqiptar është gjetur i pajetë në banesën e tij në Londër, Angli. Bëhet fjalë për shtetasin shqiptar, Anton Caku 38 vjeç.
Lajmi i trishtë është konfirmuar nga familjarët, të cilët shprehin dhimbjen dhe tronditjen e thellë për humbjen e papritur të djalit të tyre.
“Me hidherim te thelle njoftojme ndarjen nga jeta e djalit tone te dashur Anton Ndok Caku” – shkruan babai i tij në rrjetet sociale.
Ende nuk dihen shkaqet e vdekjes së 38-vjeçarit shqiptar, ndërsa autoritetet lokale po hetojnë për të zbardhur ngjarjen.
Familja Caku po përballet me dhimbjen e madhe dhe pritet të sjellë trupin e të ndjerit në atdhe për t’i dhënë lamtumirën e fundit.
