Kryebashkiaku i Tiranës, Erion Veliaj është arrestuar këtë të hënë me kërkesë të SPAK.
Sipas burimeve të News24, urdhri është dhënë nga Prokuroria e Posaçme Anti-Korrupsion (SPAK).
Burime konfirmuan se ndaj Erion Veliajt është caktuar masë sigurie “arrest me burg”.
Pas një periudhe hetimi mbi katër vepra penale, forcat e BKH-së kanë ndërhyrë mesditën e sotme në ambientet e bashkisë, duke ekzekutuar urdhrin e arrestit ndaj tij.
Kujtojmë se ndaj Veliajt, Prokuroria e Posaçme ka kryer hetime, lidhur me disa akuza, si shpërdorim detyre, korrupsion aktiv, korrupsion pasiv, mosdeklarim i pasurisë dhe pastrim parash.
Gjithashtu, zyrtarë të Byrosë Kombëtare të Hetimit kanë kryer disa herë kontrolle në ambientet e biznesit të bashkëshortes së Veliajt, Ajola Xoxa, dhe vëllait të tij, Arbi Veliaj.
Në vijim priten detaje të reja rreth arrestimit të Veliajt në Bashkinë e kryeqytetit.
